【星期二起暫停開放】 由於疫症開始再度爆發，為保障街坊和員工的安全，避免人群聚集，本辦事處再度開始Work from Home 安排： 1️⃣辦事處暫停開放直至另行通知 2️⃣個案跟進需事先以電話或Whatsapp預約 * 12/4-5 於香港商業中心後門的中童口罩預約派發照常 （只限已登記合資格人士憑住址證明領取，不設即場登記。） #一日最衰林鄭唔肯封關

星期三起： 1️⃣除緊急服務及個別部門外，公務員在家工作 2️⃣599F下營業處所： 包括機鋪、K房等大部份關閉，政府場所大部份關閉。 健身中心、體育處所繼續開放，但只限兩人一組及需戴口罩。 美容場所繼續開放但必須戴口罩。 食肆開放時間縮短至晚上十時，限兩人一枱，50%入座率。 上面所有場所必須申請並貼上「安心出行」QR Code。 3️⃣群組聚集 599G：收緊至不多於兩人。將會加辣罰則。 4️⃣599I 口罩令：將會加辣罰則。 5️⃣599J 強制檢測令：將會加辣罰則。 6️⃣將開設篤灰熱線，收集市民舉報犯聚人士。 －

為左讓街坊能夠一次過睇到本辦事處每兩星期既主要工作匯報（石塘咀通訊），我地upload左各期既石塘咀通訊喺 Issuu，等大家唔洗咁麻煩地追返啲post。 而上星期既石塘咀通訊 2020年11月 第二期就可以click以下既link去參閱： https://ift.tt/3lgOcao 如果大家有咩意見，或有咩新搞作想提議，不妨Whatsapp 或者Facebook Direct 我地啦！

葉錦龍辦事處今日邀請左註冊護士嚟為街坊做有關常見都市病-骨質疏鬆的講座。內容包括了解骨質疏鬆，其成因以及診斷方法；如何預防，譬如通過適當飲食配合吸收維他命D3及簡單運動避免骨質疏鬆。最後李姑娘更加傳授咗一啲簡單家居運動比各位講座參加者。 因疫情關係，我地亦有為講座進行直播，讓一眾未能親身出席講座的人士可以喺我地Facebook Page 重溫！ 重溫捷徑： 要適量運動之餘，我地都要更加了解自己既身體，延醫問藥食補品都要清楚點樣謂之「對症」。要身體健康，當然都要做個精明消費者。身心如一有骨氣🕺💃，龍辦活動幫到你！ #跳老舞未必拗柴但可能染疫 #人要有骨氣骨都要有骨氣

於剛過去既星期三，葉錦龍辦事處為區內長者開左個智能電話入門班，今堂主要教老友記學識點用電話上Facebook，以及當中不同的功能，例如：交友、加入群組、分享相片或影片到Facebook等。 另外，亦教會老友記管理自己帳號既私隱，希望喺呢個講求「大數據」的年代，盡量減少將自己的資料拱手讓人。 智能裝備同各種手機應用程式逐漸普遍，唔識用智能電話既不便就越來越多。所以本處特別為老友記帶來呢個入門班，令大家可以喺疫情期間依然聯繫緊密，資訊互通。每日都可以有新知，有心就點都唔怕遲 希望各位老友記保重身體，以樂觀心境面對疫情 之後仲會有其他活動俾你地呀！

【#5872確診個案 居於光前大廈1座 已要求食環安排洗街】 據今天衛生防護中心於晚上11時30分的新聞公佈，有一名居於光前大廈1座的45歲女性確診武漢肺炎。她11月24日起出現病徵，其個案與其他本地個案有流行病學關連，並且屬於 #跳舞群組。 葉錦龍已安排食環署到地盤外一帶街道進行洗街及消毒工作。 各位街坊緊記切勿鬆懈，出街戴翻個罩，勤D洗手。 #殺到黎 #大家緊記洗手戴罩

原本今個星期五(11月27日)財委會上的四項正待審批既人事編制建議，已經被全部抽起，「明日大嶼」前期硏究撥款申請立即成為第一項議程，亦即意味著撥款申請好有可能喺今個星期五通過！ 【明日大白象 造價深不見底】 政府以2018年9月的工程價格計算，「明日大嶼願景計劃」估計成本為6240億。所謂的前期研究撥款，涉資5.5億，為期三年，連冰山一角也算不上。有沙中線以及西九高鐵超支又超支的往跡，可預計造價只會多不會少，如果明日大嶼真係通過撥款，我哋一齊留名睇下超支幾多。 【近渴不解 只顧遠火】 於今年八月，勞工及福利局局長羅致光話唔會推第三期「保就業」計劃，理由係企業依賴政府補貼會耗盡儲備。有市民質疑「保就業」重僱主輕僱員，羅局長就話了，計劃好難滴水不漏。請問羅局長，一旦失業率飆升，如何「重啟經濟」？經濟蕭條，又何來儲備？ 於今年10月，財政司司長又在港台節目中話前兩期「保就業」政府支出逾900億，唔會有第三期既「保就業」計劃，仲話防疫基金要有針對性，否則會好浪費。留意返，第三輪「防疫抗疫基金」總共240億，其中130億用於公共衛生方面，包括採購疫苗。真正可以比人落袋既110億仲要由餐飲、旅遊業以及消閒娛樂場所同學校等一齊分。 11月26日起，酒吧等娛樂場所再一次因疫情關閉。如此境況，竟然將2033年先有望提供房屋既明日大白象放於撥款議程首位，倒錢落海又算唔算浪...