Day: 2021-01-28

【屈地街交通意外】

在下午三時許,德輔道西屈地街交界發生了一宗交通意外。一輛白色輕型貨車懷疑在屈地街左轉時撞到一名老婦。事後該名老婦倒在地上等候救援,期間意識清醒。本辦助理了解情況後,得知老婦曾表示該輛輕型貨車其實沒有真正撞倒他,她只是受驚所以被嚇倒在地上。按助理事後的觀察,輕型貨車車頭亦沒有任何損毀。 各位街坊過呢條馬路既時候記得注意車輛轉入屈地街,因為啲車左轉既時候過緊馬路既行人會落入左司機既盲點,所以大家記得睇清楚無車嚟緊先好過呢條路! 另外由於鄰區的前議員喺上屆區議會動議清走左呢個位置的電單車泊位,造成區內電單車位開始短缺的同時,令呢個位置沒有緩衝帶以及違例泊車增加。我地會同運輸署研究,商討改善呢段路既行人安全方法。
Read More

【由民政局教議員病毒學: 開兩個鐘後就會散播既武漢肺炎】

今日開會前夕,中西區各議員突然收到秘書處通知,每個會只准開兩個鐘,兩個鐘後DO就會帶隊Walkout,連官員都唔會再黎。 想請問民x聯事務局長徐英偉,個病毒係唔係佢發明?佢個腦係唔係跌咗落廁所?係唔係病毒識得睇住開會兩個鐘黎做嘢? 開會當日通知開得兩個鐘會,但明明區議會條例同會議常規寫明係由主席決定開會時間地點日期,加埋區議會活動係599G豁免群聚,究竟係佢地唔識字,定係武漢肺炎上左腦? #明明今日準備左近20張slide去講水務署古蹟 #唉好嬲
Read More

【辦公時間正式回復正常】

本辦事處將在今天(星期四) 回復正常開放時間如下: 星期一: 下午六時至八時 星期二 至 五: 上午十時至下午一時,二時至六時 星期六: 上午十時至 中午十二時 *星期日休息* 各位街坊可以於辦公時間到訪干諾道西188號香港商業中心 2908室 或 致電 5610-0230 及 5118-8236 與本辦事處職員聯絡。
Read More