Month: 一月 2021

【#9994確診個案 居於屈地街金陵大廈】

據街坊報料及衛生防護中心新聞早前的公佈,有一名居於屈地街金陵大廈的居民確診 #武漢肺炎,確診者為41歲男性,是無病徵源頭不明的確診個案。 葉錦龍已安排食環署於大廈範圍附近進行洗街。葉錦龍亦已於今日到訪大廈向住户派發口罩及於座頭放置消毒搓手液。 各位街坊緊記切勿鬆懈,出街戴翻個罩,勤D洗手。
Read More

【迎新年 派揮春】

各位街坊朋友大家好!新春將至,又係時候洗下邋遢,裝點下家居,預祝新一年事事順遂。 本辦事處已經為各位準備左一系列印製版揮春,而有些字句我地希望趁現在還未變成禁語前能夠將信念以揮春方式送比大家,我地將於以下時間及地點擺設派揮春街站,葉錦龍亦會於街站為大家即場揮毫寫賀年揮春🙈 ,歡迎大家將新年祝福帶返屋企! 2021新年揮春街站日時: 1月25日(一) 下午6-8時 均益二期外 1月29日(五) 下午4-6時 山道橋底 2月3日(三) 下午2-4 時 石塘咀街市外 2月7日(日) 上午11-下午1時 水街及皇后大道西交界 葉錦龍喺度預祝各位街坊新一年家宅平安,心想事成! #新春大吉 #百毒不侵 服裝(自己買):Chickeeduck / Fiona Yellow 黃麗文
Read More

【政府漏風一日先漏夜封佐敦重點、問題及建議】

1 封區範圍: 東至吳松街、南至南京街、西至炮台街、北至甘肅街 2 1月23日午夜4點起計,要在封鎖區內所有人做完強制化驗並差唔多出曬報告後先可以解封 3 之前做左嗰啲化驗唔計,要再做過 4 任何喺14日內去過封區範圍兩小時以上的人,都要喺1月23日起做強制化驗 5 目標係兩日內解封,但返唔到工既人,政府唔會賠,「政府希望僱主能酌情處理,不要扣減員工的薪金和福利」 問題 1 一早漏曬風出去會封區但又唔肯認,收到風嗰班要走都走曬,分分鐘全港大感染,政府邊度係同市民同心抗疫? 2 講左成年化驗完唔係等於以後唔會病,要配合啲人封區先有用,而家先知? 3 但係幢幢大廈啲污水渠都病毒超標,又全部都係唐樓劏房。為何唔係全區撤離去隔離營而係封區要啲人留喺度,要啲人與病毒共舞,驗完都係會交叉感染?當初講到係威係勢嗰堆停車場臨時屋起黎擺? 4 點解唔一早喺跳舞群組大爆發時諗定點做?點解明明係因為未封曬個關而搞到爆發,但係要講到係因為南亞人士搞到爆發? 5 據油尖旺交運會主席 陳嘉朗指,封鎖區內最少包括三條紅Van線嘅總站,點安排? 6 封區而返唔到工的人,如果因為咁老闆扣糧扣假扣勤工甚至炒人冇工開,政府負唔負責? 7 因封區而開唔到工的商户、攤檔損失點計? 8 咁既安排,既限制人權又未必做到控制疫症,想點? 建議 1 一早就先講定如果封區個SOP會點做,唔好鬼鬼祟祟凌晨四點封。在大家知道SOP下...
Read More

【📩郵政電子報關 📲 有跟進有改善✅】

先前本辦事處接獲街坊投訴,指現時寄包裹往指定地區時,郵政強制使用的電子報關網頁「郵件清關易」使用不便,影響服務效率之餘,仲好可能令長者使用時倍感困擾。 詳情可參考先前post 及附圖: https://ift.tt/2M9K7c6 武肺疫情禍及範圍有幾大,可以由各國郵政服務受阻情況中睇得出,未知幾時先可以回復正常。此報關措施為因應相關地區要求而實行,並非郵政單方面推出,但宣傳不足反而造成市民不便。經本辦事處向郵政署反映及溝通後,署方已作出以下改善: ✅移除「郵件清關易」彈出消息 ✅於1月18日起,於郵政網站首頁放置「郵件清關易」宣傳資訊 ✅於郵政局及顯眼位置放置相關海報及卡仔宣傳 本處職員亦有於街板上提醒居民有關最新電子報關資訊,但無可奈可有些街板被人撕爛,讓街坊(特別是沒有上網習慣的長者們)無法得悉相關資訊。 #唔係鍾意投訴 #服務要有質素
Read More

AKIRA預言實現?

//英國《泰晤士報》引述日本執政聯盟高層報道,日本政府私下認定因武漢肺炎疫情持續,今年的東京奧運將要取消,目前的工作是要確保東京可在下一個可行檔期,即2032年,再次取得奧運主辦權。不過日本首相菅義偉今早在國會回應有關報道時表明,仍然與國際奧委會及東京政府緊密合作,決心實現奧運。// https://ift.tt/2KAycDF 武漢肺炎|《泰晤士報》:日本政府認定東京奧運將取消爭2032年主辦權 菅義偉:仍決心實現奧運 -
Read More

【📲MeWe同Signal 你用咗未❓】

武肺疫情同美國總統大選幫大家睇清楚好多嘢,最難以置信莫過於以為最保障言論自由既地方原來最識操控言論自由,而用開既訊息服務一旦同獨大既社交網絡“行埋”,又係另一種霸權。 FB、Twitter肆意阻止不同政見既人發聲,用家唔同意同FB共享資訊就唔俾你用佢服務既WhatsApp,仲有FB處理政治議題相關爭議時既雙重標準,都提醒緊你,資本既影響有幾大。而某啲資本最終要向中共政權跪低,所以係時候放棄FB、Twitter、WhatsApp,轉用更保障到用家自由同資訊安全既MeWe、Signal。 係,新嘢梗係會唔慣,MeWe個界面我地都仲摸索緊,Signal個server會因為突然多咗太多用戶hang機。但羅馬不是一天建成的,如果你係FB第一代用家,或者你仲記得當年個網站有幾“寡”。有人可能話“WhatsApp終止服務延遲到五月了wor”,仲記唔記得“暫緩唔等於撤回”?宜家最重要係我地仲有得揀,仲有唔俾獨裁者幫兇賺錢既權利。 有見及此,葉錦龍辦事處早於去年11月已經開設左MeWe同Signal賬戶為街坊服務,FB同WhatsApp安排暫時維持不變,期待各位一齊盡早過檔。 #唔好慣👊🏽 #反抗霸權💪🏽 Sam Yip MeWe Page: https://ift.tt/36QAtSj Sam Yip Signal Number: 5610-0230
Read More

【💰第四輪防疫抗疫基金餐飲處所資助計劃申請📝】

第四輪「防疫抗疫基金」下設立新一輪餐飲處所資助計劃:1. 合資格並營運中的普通食肆、小食食肆、水上食肆和工廠食堂持牌人會按樓面面積發放10萬至50萬元的一次性資助,並將會分兩次等額發放。2. 而合資格持牌餐飲處所如同時經營卡拉OK場所、夜總會、酒吧或酒館業務,並有按照相關防疫規例指示關閉整個持牌處所範圍,亦可申請額外5萬元一次性資助。 申請期:2020年12月29日至2021年1月28日下午五時截止 申請方法: 1) 親臨食環署各分區環境衛生辦事處索取表格 2) 到食環署網頁下載表格填寫https://www.fehd.gov.hk/tc_chi/forms/index_forms.html 3) 網上申請https://www.fehd.gov.hk/.../application_guide_CS_online.html 有關申請資格、持牌處所面積、資助金額、遞交表格及其他注意事項請參閱: https://www.fehd.gov.hk/.../sub.../application_guide_CS.html如有任何疑問,可致電餐飲處所資助計劃熱線2958-0694查詢。如需協助申請,亦歡迎致電 5610-0230與本辦事處職員聯絡。
Read More

【#酒牌續期】

西環寶湖海鮮酒家 (香港山道16號地下及4-16號閣樓) 1月20日前收集街坊意見 我們收到位於(香港山道16號地下及4-16號閣樓)的「西環寶湖海鮮酒家」酒牌續期申請。如市民對該場所有任何意見可以向我們反映,我們將在向酒牌局提交建議時一併反映。 請把你的意見在1月 20日前以留言、Facebook inbox或電郵至[email protected],或直接以簽名信件向酒牌局(香港灣仔軒尼詩道225號駱克道市政大廈8字樓酒牌局秘書收)反映。
Read More