Day: 2021-03-30

【區議會政治化?係香港政府帶頭輸打贏要】

區議會,當佢要你宣誓時就話你好重要,當佢要褫奪你選舉權時就話你冇權力,兼且任命埋啲冇任何代表性同民意授權既東西代替你,仲要話你哋完全政治化咗變左質。 大佬,區議會最少九成時間講緊地區嘢,睇翻今年預算案,一年以黎數字上討論議題足足多上一屆接近一倍。(可參考拙文 https://www.facebook.com/817306605018029/posts/3728320240583303/) 而最新比政府話冇得傾既議題係中西區強檢同封區安排。講封區安排都政治化?梗係啦,因為香港政府根本就係政治化抗疫既始作俑者,又點會比我地用社區角度去討論抗疫,去追討街坊既豆豉鯪魚? 仲要由舊年開始大把議題無視區議會,連巴士公司加價、5B減班都唔通知、唔諮詢議會。碼頭封場,仲要連通知都冇一聲,要打電話去追問先肯講,區議會要討論但人又唔派個黎。根本就係輸打贏要。 係呀,今屆區議會好似好冇用,但係都係由政府專登帶頭做成的,因為政府帶頭聯同一眾公營機構選擇無視區議會。明明以往可以討論可以做的議題,好似政改、巴士公司政策、票站安排、警察執法等全部冇得傾,最新連區內抗疫政策都冇得傾,連舊年年頭可以用區議會預算買口罩同洗街呢一類改善地區狀況同抗疫既工作,去到今年連傾都唔比,更講到明批左錢都會閘住唔准做。仲有一堆區議會通過咗要做嘅社區研究,全部都係社區嘅歷史文化康樂健康議題,通通唔係被拖延就係被拖...
Read More

【🍪裝飾曲奇 & DIY復活節出奇蛋🐣工作坊💝】

復活節將至,小朋友最鍾意既兔仔同復活蛋造型節日主題糖果亦隨處可見。本辦事處於上星期六(3月27日)為街坊開設咗老少咸宜既裝飾曲奇及自製復活蛋工作坊👩‍🍳。 在導師指導過後,大家用蛋白糖霜幫可以食用既曲奇加添裝飾,整出一個個有趣既造型,第二度絕對買唔到😋 而DIY復活節出奇蛋就係由大人細路用輕黏土製作唔同既卡通公仔裝飾蛋殼,蛋殼入面可以放入糖果同朱古力。以為復活蛋上面淨係會出現🐰?咁實在係太低估大家既創意啦!😆 一眾大人細路玩得開開心心之餘,本處職員亦有全程提醒各位戴口罩同消毒雙手,咁就玩得開心又放心啦🤗 #老少咸宜既好節目
Read More

【放寬社交距離】

政府於較早前宣佈部分現正生效的防疫措施將於2021年4月1日起放寬,以下為措施概覽: - 酒吧及夜總會等夜店仍要停業 - 公眾泳池、私人泳池重開,海灘分階段重開 (入數人數不可多於3成) - 戲院、表演場地及兩個主題公園人數上限可提升至75% - 放寬宗教場所活動人數上限為三成,場地不可飲食,但領聖體等儀式則可免限制(有待行會通過,最快周三實施) - 學校教職員如已接種疫苗,全校半天復課且毋須定期檢測 至於出入境安排方面 : - 英國:四月下旬起,可乘指定航班從英國直接回港,抵港後須集中在同一間指定酒店檢疫21天,並在第7、12及19日做強制檢測 - 低風險地區(澳洲、新西蘭、新加坡)人士:須於指定酒店檢疫14天,自我監測7天,於第19天強制檢測 - 中風險地區人士:如已接種疫苗,須於指定酒店檢疫14天,自我監測7天;未有接種疫苗,則要21日酒店隔離 至於限聚令、餐飲業規定等各項社交距離措施將繼續生效至4月14日。 如有疑問,歡迎致電5610-0230 向本辨事處職員查詢。
Read More