石塘咀

【🚮無視用量未經諮詢撤走回收箱 要求環保署重設山道、水街及石塘咀市政大廈等回收箱🚮】

環保署由2020年10月接手食環署,管理公共空間的廢物分類回收箱,但呢一兩個月我地收到唔少市民投訴,話點解石塘咀選區內皇后大道西業昌外同埋水街皇后大道西交界既回收箱突然消失,令到佢地要行遠啲先扔到啲回收物!基於居民既投訴及葉錦龍既觀察,發現這些消失既回收箱係同「綠在區區」既回收外展隊設立「回收流動點」既位置一致! 突然消失既回收點一直好受歡迎,有好多好多區內既街坊使用。但喺未經諮詢區議員既情況下,擅自移走回收箱,此舉完全漠視民意,以及公然違背早前於環工會清楚表達不要以收集點替代回收箱,並替「綠在區區」外判商「跑數」的意見。 故此,葉錦龍早前撰寫了「無視用量未經諮詢撤走回收箱 要求環保署重設山道、水街及石塘咀市政大廈等回收箱」的文件並呈交上環工會討論。而葉錦龍於今日(22/4)的第八次環工會會議上質詢環保署環境保護主任,因署方指移走回收箱既其中一個原因是回收物質素參差,例如:近街市的回收箱(石塘咀街市外),回收物的污染情況比較嚴重,發泡膠或食物盒內還有食物渣滓及湯汁,導致衛生問題及影響回收效率;葉錦龍立即反駁指環保署未有做好教育工作,以解決根深蒂固問題 ─ 回收未有清理乾淨回收物。相反,只是移走署方認為比較骯髒的回收箱群,間接懲罰區內居民,葉錦龍本人亦扔唔到回收物。此外,葉錦龍亦於會上展示了回收箱爆滿的情況(分別是4月19日下午7時57分於德輔道西業昌大廈及均益一期交界、3月12...
Read More

【政府部門自作主張 以竹枝牆紙試圖粉飾太平】

由聖彼得小學附近開始延伸的山道天橋橋柱一向有大幅壁畫裝飾,但經過逾十年出現唔少磨損及褪色。最近山道地鐵站B2出口處既兩條橋柱,先係比路政重新油漆,之後突然包咗一層竹枝圖案既牆紙。有街坊關心,其他橋柱是否都會如法炮製,而且認為咁既裝飾都幾無厘頭。 在此要向各位街坊澄清:「牆紙包柱」影響區內景觀,不是區議會撥款的工程,而係有關政府部門自作主張,未有諮詢過區議會意見。而中西區區議會之前會議上已經通過壁畫及樓梯畫翻新工程,地點並不包括山道B2出口既2條橋柱。 目前民政及承辦商已經與聖彼得小學既學生舉行過線上構思工作坊,以小朋友畫作為靈感創作出十幅以中西區風物景緻為主題的壁畫同樓梯畫。於3月25日,承辦商在區議會會議上報告及解說畫作構思,回應議員提出意見,並將會進一步修改完善。本辦事處將在另一個post中向各位街坊報告未來的壁畫及樓梯畫工程,及葉錦龍議員會議上提出的各項建議。 有關部門不惜工本用防噴漆防粘貼塗料大幅遮蓋山道連儂牆表面,今次仲「以己之茅攻己之盾」用牆紙包在塗料上,令人不禁感嘆當局粉飾太平真係急不及待。
Read More

【第五次動漫賞析會】(現已接受報名)

各位街坊大家好! 由第一次賞析會到宜家即將舉行第五次,姑勿論三次元,二次元都有好多嘢發生,比如《進擊的巨人》黎到最終回,又或者連大雄都結婚😮 有見及此,今次既動漫賞析會同上次一樣:冇特定主題,大家唔使溫書趕功課,最緊要係暢所欲言😁 日期 :2021年5月15日(星期六) 時間:下午1點至3點 地點:前西區裁判法院2樓會議室(薄扶林道2號) 費用:全免 人數:10人 *如因疫情關係令社區會堂關閉,該活動會另行通知* 如有興趣,可用以下方法報名: 網上登記: https://ift.tt/3x7wNYJ / 於辦公時間內致電 5118-8236 向本處職員報名 (現已接受報名) **本活動可能因疫情有所變動,敬請留意 **石塘咀選區居民優先 **葉錦龍議員辦事處保留最終決定權。
Read More

【👴👵老友記智能電話班📱之Signal】(現已接受報名)

聽唔少老友記話上完之前既電話班凌舍醒神😎 仲話宜家開始唔興WhatsApp,下次應該開班教用新嘢😆 為咗令一班有心既長者可以繼續走在潮流“尖啄”,本辦事處即將開設新一輪既智能電話班,徇眾要求,今次教各位老友記用Signal!報名細節如下。 課堂簡介:教導如何應用Signal 內功能 日期:2021年5月12日(星期三) 時間:上午10:00-12:00 地點:前西區裁判法院2樓會議室(薄扶林道2號) 費用:全免( 每位參加者需自備一部智能電話 ) 人數:10人 報名方法: 網上報名表格: https://ift.tt/3ty5q7R / 於辦公時間內致電 5118-8236 向本處職員報名 (現已接受報名) **本活動可能因疫情有所變動,敬請留意 **石塘咀選區居民優先 **完成登記者不代表可獲參與,如報名人數眾多,需抽籤處理,辦事處職員會盡快聯絡及核實參加者資格。 **葉錦龍議員辦事處保留最終決定權。 #出街之前要熄爐 #呼朋引伴用Signal
Read More

【快啲嚟領養雞蛋盆栽紀念品啦~🥚】

☘️中西區環境改善及綠化美化工作小組原訂於2月中旬舉辦「2020-2021年社區種植日」活動,但可惜疫情關係無奈取消,改為派發雞蛋盆栽紀念品(內附種子及說明書),希望透過種植盆栽去提高市民綠化意識,從而美化社區。屋企多個盆栽,真係人都精神啲~⭐ 如果區內大人小朋友想帶盆栽返屋企,可以於辦公時間內過嚟香港商業中心2908室領取!先到先得,送完即止!
Read More

【👩🏻‍💼四月免費法律諮詢服務】

葉錦龍辦事處聯同其他中西區區議員提供每月一次的免費法律諮詢服務。本服務旨在為面對法律問題的市民提供初步的法律意見及指導,簡單向申請人解釋於該個案中在法律上的權利與義務。 *本服務不會就個別個案提出深入的分析,以及提出全面的評估及解決方案。* 是次免費法律諮詢服務: 日期:4月23日(星期五) 時間:19:00 - 21:00 (每節15分鐘) 地點:葉錦龍議員辦事處(香港商業中心2908室) 如欲參加免費法律諮詢服務,可致電 5610-0230 或 5118-8236 與本處職員聯絡及預約。 預約時,申請人需詳細交代個案的背景資料及提供所有有關個案的文件及証據作參考。 因名額有限,如參加人數超出名額,本辦事處會因應個案緊急程度將某些申請者的個案中排到下一月份的法律諮詢環節。如成功申請今個月的服務,本處職員會於法律諮詢服務前7日 (即17/4/2021) 致電通知申請者。 **葉錦龍議員辦事處保留最終決定權。
Read More

【🚧屈地街行車路近皇后大道西半段路面重鋪🚧】

2020年就任以來,葉錦龍一直努力實行政綱各項承諾,包括促成2020年9月下旬,屈地街行車路近屈地大廈路段路面重鋪工程。是次工程不只改善市容,亦可免於破損既路面積水繼而滋生蚊蟲。 🌟詳情可參考: https://ift.tt/39X1jdO 由於屈地街行車路經常有貨車等重型車輛出入以及停泊,路面情況較其他路段較為容易損毀。於復活節假期前既3月25日,有關部門喺修理屈地街環保斗損毀既路面同時,繼2020年9月之後完成咗屈地街行車路近皇后大道西一段既路面重鋪工程。炎夏將至,又係時候要防範蚊蟲,相信今次重鋪路面可以大大減少路面積水既機會。改善環境衛生同市容都係為咗提升區內各位街坊既生活質素,如有需要改善既設施,歡迎各位街坊向本辦事處報料🥰
Read More

【🎞狂舞派3高先主場放映暨導演分享會後記🎬】

先前(3月14日)的狂舞派3包場放映會多得各位街坊支持,無事終了冇蝕離場。放映後,Adam Wong Sau Ping 黃修平透過回答觀眾既問題,同大家分享咗一啲拍呢套電影既諗法,例如點解冇狂舞派2直接變咗3,究竟點解要「好人一世平安」又或者套戲究竟係唔係講緊地產霸權。在場仲有觀眾熱心提出自己對戲中設計某啲抗議現場對白既意見😆 分享會到中途,神秘嘉賓,狂舞派3的男主角Heyo突然現身,同大家分享咗佢創作、表演既心得。唔知當日在場既各位有無覺得電影中既Heyo其實係做緊佢自己😆 近期關於「香港電影已死」既討論非常熱烈,本辦事處在此希望各位香港人可以用行重去支持本土電影,用票房證明香港電影冇死到。 #好人一世平安 #狂舞派3 #請繼續支持本土電影 #要票房證明 #香港電影未死
Read More

【N無人士生活津貼之4人以上住戶都可以申請啦~】

由2021年4月1日起,N無人士生活津貼開始接受所有合資格住戶(不論住戶人數)的申請,截止申請日期為2021年5月31日。 4人住戶的津貼金額為14,500元;入息上限為33,500元;租金上限為16,750元。 5人以上住戶的津貼金額為15,500元;入息上限分別為36,900元(5人住戶)及40,800元(6人以上住戶);租金上限分別為18,450元(5人住戶)及20,400元(6人以上住戶)。 詳情可參考以下既連結: https://ift.tt/31NM4j6 而就近服務單位有: 1. 香港基督教女青年會觀龍樓社區工作辦事處 香港堅尼地城觀龍樓D座地下60號舖 2. 香港基督教女青年會西環綜合社會服務處 香港西環域多利道9-15號百年大樓第1期A座2樓 **現時因疫情關係,到訪前請先打電話預約** 申請詳情, 可參考以下網頁: https://ift.tt/3unZBdc 如有任何問題, 可查詢關愛基金秘書處: (852) 2180 6666 如需協助申請亦可致電5610 0230 或 5118 8236 向本辦事處職員查詢。
Read More