原本今個星期五(11月27日)財委會上的四項正待審批既人事編制建議，已經被全部抽起，「明日大嶼」前期硏究撥款申請立即成為第一項議程，亦即意味著撥款申請好有可能喺今個星期五通過！

【明日大白象 造價深不見底】

政府以2018年9月的工程價格計算，「明日大嶼願景計劃」估計成本為6240億。所謂的前期研究撥款，涉資5.5億，為期三年，連冰山一角也算不上。有沙中線以及西九高鐵超支又超支的往跡，可預計造價只會多不會少，如果明日大嶼真係通過撥款，我哋一齊留名睇下超支幾多。

【近渴不解 只顧遠火】

於今年八月，勞工及福利局局長羅致光話唔會推第三期「保就業」計劃，理由係企業依賴政府補貼會耗盡儲備。有市民質疑「保就業」重僱主輕僱員，羅局長就話了，計劃好難滴水不漏。請問羅局長，一旦失業率飆升，如何「重啟經濟」？經濟蕭條，又何來儲備？

於今年10月，財政司司長又在港台節目中話前兩期「保就業」政府支出逾900億，唔會有第三期既「保就業」計劃，仲話防疫基金要有針對性，否則會好浪費。留意返，第三輪「防疫抗疫基金」總共240億，其中130億用於公共衛生方面，包括採購疫苗。真正可以比人落袋既110億仲要由餐飲、旅遊業以及消閒娛樂場所同學校等一齊分。

11月26日起，酒吧等娛樂場所再一次因疫情關閉。如此境況，竟然將2033年先有望提供房屋既明日大白象放於撥款議程首位，倒錢落海又算唔算浪費呢？

葉錦龍亦於議會內外爭取堅守大嶼，多次提出反對及理由，於早前區議會會議中亦有一動議有關明日大嶼，由黃健菁議員提出，葉錦龍議員和議。

「鑑於明日大嶼人工島計劃對環境及香港財政儲備造成不可逆轉的破壞，預計香港未來幾年的財政狀況會持續惡化。而此計劃亦未對中西區區民生活質素及環境有改善。早前中西區區議會在會議中已經通過動議，要求政府撤回明日大嶼人工島計劃及相關研究撥款，並優先利用新界的棕地解決土地供應及房屋問題 。」

對於這個議題，大家可參考以下連結睇返之前FB post:

【小店可問我地攞旗幟 一齊保護屬於我地既海港！】

另外，我地亦鼓勵區內小店喺店內掛起「明日大嶼」旗幟，令更多人了解及關注呢個議題，以及攜手要求政府撤回明日大嶼計劃及研究撥款，這個「政府的政治任務」、一意孤行、倒錢落海的工程，我地要保護屬於香港人既海港！

有興趣小店可聯絡 5118-8236 與本處職員聯絡。