from 葉錦龍　Sam Yip https://ift.tt/3q3Cm7s
區議會財委會繼續進行中。民政處委任的推廣資訊科技委員會申請整手提電話支付小冊子（15萬8千）及第八屆中西區小學生機械人比賽（14萬4千）。

用15萬整5000本冊子比長者教佢地用商業服務，已經夠離譜。講到小學生機械人比賽，葉錦龍問推廣資訊科技委員會主席鐘偉亮先生甚麼是STEM Education，他竟然不知道，再問他家中有沒有電腦，他也答沒有！

點解葉錦龍要咁問？因為喺份撥款申請裡面，竟然有撥款項目係制作CD ROM派比學校，而眾所週知而家唔係用USB就係用電腦播片的2021年，竟然仲要花萬二蚊整CD ROM派……（仲要唔好講CD Rom 播唔到片，係VCD先得..）真係不禁想問下鐘先生究竟生活在什麼年份，而政府又係用乜嘢準則去委任一個屋企冇電腦又唔識STEM Education既人做推廣資訊科技。

加上份撥款申請有太多有問題的項目，例如: 72人參加比賽但有72份獎品，仲要人人都送埋部機械人，再加獎品250蚊，過左區議會限每人獎品最多850蚊的限制；租兩部電視機做直播要近5000蚊，但係民政處社區會堂都會有投影機借，加上買部電視都唔駛3000蚊…..最後我們否決了整手提電話支付小册子的建議，機械人比賽就只批一半即72250，要再比撥款申請讓議會審批。

#參加者同委員會都係贏家
#市民同區議會就係輸家
#唔識STEM屋企冇電腦但係推廣資訊科技
#激到講唔到嘢